admin@latainathnews.com 
दार्चुला, भदौ।
राष्ट्रिय कृषि आधुनिकीकरण कार्यक्रम, कार्यक्रम कार्यान्वयन एकाइ, दार्चुलाले आर्थिक वर्ष २०८२/०८३ का लागि विभिन्न कार्यक्रम सञ्चालन गर्न माग आवेदन (प्रस्ताव) पेश गर्न सूचना प्रकाशित गरेको छ।
एकाइका अनुसार स्याउ, ओखर, सुन्तलाजस्ता फलफूल जोन, मकै जोन, तरकारी जोन लगायतका क्षेत्रीय कार्यक्रमहरू सञ्चालनका लागि इच्छुक किसान, समूह, सहकारी, संघसंस्था तथा सरोकारवालाबाट तोकिएको ढाँचामा प्रस्ताव माग गरिएको हो।
सञ्चालन हुने कार्यक्रमहरूमा उत्पादन वृद्धि, मूल्य श्रृंखला सुदृढीकरण, प्राविधिक सहयोग, कृषक क्षमता अभिवृद्धि तथा आधुनिक कृषि प्रविधि प्रवद्र्धनजस्ता विषय समेटिने उल्लेख छ। यसले जिल्लामा कृषकलाई प्रत्यक्ष लाभ पुग्ने र व्यावसायिक कृषिमा योगदान पुर्याउने अपेक्षा गरिएको छ।
प्रस्ताव पेश गर्न इच्छुक पक्षहरूले तोकिएको म्यादभित्र कार्यक्रम कार्यान्वयन एकाइ, दार्चुलामा सम्पर्क गरी आवश्यक विवरण बुझ्न तथा आवेदन फारम बुझाउन सक्नेछन्।
