बैतडी जिल्लाको डिलासैनी गाउँपालिका ले नयाँ प्रशासकीय भवन निर्माणका लागि आवश्यक प्रक्रिया पूरा गर्दै बोलपत्र आह्वान गरेको छ। गाउँपालिकाले सार्वजनिक सूचना जारी गर्दै भवन निर्माण कार्यका लागि योग्य निर्माण व्यवसायी तथा कम्पनीहरूबाट आवेदन मागेको जनाएको हो।
गाउँपालिकाका अनुसार आधुनिक संरचना सहितको प्रशासकीय भवन निर्माण गरी सेवा प्रवाहलाई थप प्रभावकारी, व्यवस्थित र नागरिकमैत्री बनाउने लक्ष्य राखिएको छ। भवन निर्माणसँगै एउटै स्थानबाट विभिन्न प्रशासनिक सेवा उपलब्ध गराउन सहज हुने अपेक्षा गरिएको छ।
बोलपत्र सम्बन्धी विस्तृत विवरण गाउँपालिकाको कार्यालय तथा सार्वजनिक खरिद प्रणालीमार्फत प्राप्त गर्न सकिने जनाइएको छ।